Ləvazimatlar:
Adambaşına
- 100 qram qoyun əti
Buğda
unu - 40 qram
Yumurta
- 1 ədəd
Baş
soğan - 1 ədəd
Bulyon
- 350 qram
Üzüm
sirkəsi - 10 qram
Keşniş,
quru nanə, sarıkök, duz, istiot - zövqə görə
Hazırlanması:
Əvvəlcə
qazanı sobanın ustünə qoyub baş soğanı xırda – xırda doğrayıb qazana atıb yağla
birlikdə qovururuq. Sonra soğan qızarana yaxın duz, istiot və sarıkök əlavə
edirik. Sonra onun üstünə 1 litr soyuq su töküb bir buğum qaynadırıq.
Digər
tərəfdən xəmiri yoğururuq. Xəmiri hazırlamaq üçün un, duz , su və yumurta
lazımdır.
Sonra
xəmirə 5 dəqiqə istirahət veririk. Sonra xəmiri yayırıq. Daha sonra onu əvəllcə
uzununa, sonra eninə kəsirik. Kiçik kvadratlar alınmalıdır.
Sonra
bir qabda çəkilmiş qoyun əti, keşniş, soğan qatıb qarışdırırıq. Sonra onu
kvadratların içinə qoyuruq. Kvadrat üçkünc şəklində qatlanıb küncləri geriyə
qatlanır. Sonra onları başqa bir qaba töküb, yapışmaması üçün qaba tökdükcə un
səpirik.
Sonra
düşbərələri qaynayan qazana töküb azca qaynadırıq. Düşbərələr 5 dəqiqəyə üzə
çıxır. Sonra onu suyu ilə birlikdə qaba tökürük. Üstünə quru nanə və sirkə əlavə
edirik.
