Ləvazimatlar:Adambaşına 150 qram qoyun əti
25 qram düyü
10 qram ərinmiş yağ
Yarım baş soğan
20qram noxud
Təzə alça yaxud alça qurusu
Keşniş və şüyüd
Quru nanə
Duz, istiot
Hazırlanması:
Bu xörəyin hər payı üçün 2 -3 tikə qoyun əti qazana qoyulub üstünə soyuq su tökülür və ən azı 1 saat bişirilir. Alınmış bulyon süzgəcdən süzülür. Arırlanmamış noxud qabaqca 3 – 4 saat soyuq suda isladılıb yarımhazır vəziyyətə çatınca bişirilir. Həmin noxud və yuyulmuş düyü qaynar - qaynar bulyona tökülür, sonra yağda qızardılmış soğan, suda bişirilmiş ət və duz qatılıb bişirilir. Xörəyin hazır olmasına bir az qalmış yuyulmuş alça və yaxud alça qurusu əlavə edilir. Bu xörək süfrəyə veriləndə üstünə keşniş və şüyüd səpilir.
