Ət qutabı

Xəmiri üçün:

1 stəkan su

3 stəkan un

duz

İçi üçün:500 qram çəkilmiş ət

1 ədəd soğan

Nar - 1 ədəd

duz, istiot

Hazırlanması:

Qutab üçün ələnmiş una su və duz qatılıb, bərk xəmir yoğrulur, sonra 1 mm qalınlığında yayılır,boşqab ölçüsündə dairələr kəsilir.Yumşaq qoyun əti ət maşınında soğanla birlikdı çəkildikdən sonra içinə nar və ya narşərab əlavə edilib, hamısı birlikdə qarışdırılır.Xəmir nazik yayılır və dairələrin bir tərəfinə çəkilmiş ət qoyulub o biri tərəfi üstünə qatlanır, aypara şəklinə salınır, kənarları bükülür və qızardılmış tavada yağ içində qızardılır. Süfrəyə verilən zaman qutabın üstünə sumaq səpilir.

Balqabaq qutabı

Xəmiri üçün:
3 stəkan un
1 stəkan su
duz
İçi üçün:
adambaşına-250 qram balqabaq
25 qram nar
1 ədəd soğan
30 qram ərinmiş yağ
0.1 qram darçın
duz,istiot
Hazırlanması:
Balqabaq soyulub xırda doğranılır,dayaz qazanda üstünə su tökülüb qapağı örtülərək öz buğunda bişirilir.Sonra soğan yağda qızardılaraq balqabaqa qatılır, ona duz, nar, darçın qatılıb qarışdırılır.
Ələnmiş una su və duz qatılıb, bərk xəmir yoğrulur.Həmin xəmir 1 mm qalınlığında yayılır, kasa ağzı boyda kəsilir və həmin dairələrin bir tərəfinə balqabaq qoyulub aypara şəklində bükülür və kənarları qatlanıb tavada qizğın yağda qızardılır.
Süfrəyə verilən zaman qutabın üstünə yağ çəkilir.

Qarın qutabı

Tərkibi:

400 qr qarın

2 ədəd soğan

20 qram lavaşana

Olmasa 40 qram nar

400 qr buğda unu

110 qr yağ

Sumaq

Darçın,

Duz, istiot

Hazırlanması:

Ələnmiş una su və duz qatılır. Bərk xəmir yoğrulur. Daha sonra 1 mm qalınlıqda fətir yayılır. Kasa böyüklüyündə dairələr kəsilir. Dana, quzu və ya qoyun qarını isti suda 1 neçə dəfə yuyulur. Daha sonra, soyuq su ilə yenidən yuyulur. Qarın ət maşınından soğanla birlikdə çəkilir. Sonra içinə lavaşana olmasa nar əlavə edilərək qarışdırılır. Əvvəlcədən kəsdiyimiz dairələrin bir tərəfinə ət maşınından çəkilmiş qarın qoyulr. O, biri tərəfi üstünə qatlanır. Aypara şəkilinə salınır, kənarları bükülür. Sonra qızdırılmış tavaya qoyularaq yağda qızardılır.Süfrəyə veriləndə isə qutabın üstünə sumaq səpilir.

Göyərti qutabı

Tərkibi:

Adambaşına - 150 qram ispanaq

50 qram yaşıl soğan

Keşniş, şüyüd

140 qram buğda unu 

40 qram ərinmiş yağ

10 qram lavaşana

50 qram qatıq

Duz, istiot

Hazırlanması:

Göyərti yuyulur. Doğrandıqdan sonra ona duz, istiot qatılıb qarışdırılır. Sonra yağda qızardılımış soğan qatılır. Ələnmiş una su və duz qatılıb, bərk xəmir yoğrulur, həmin xəmir yayılıb, adi qutab üçün olduğu kimi dairələr şəklində kəsilir. Göyərti dairələrin bir tərəfinə qoyulur, o biri tərərfi onun üstünə qatlanır: ypara şəklində bükülür və hər iki üzü tavada qızardılır. Süfrəyə verilən zaman üstünə yağ çəkilir və ayrıca olaraq yanına qatıq qoyulur.